Banner

ګيله

24.09.2006 16:02

ستا نامه چې شوه رقم زما په زړه
روغ دې کېښودۀ ملهم زما په زړه

ګدائي مې په شاهۍ شوله بدله
تا چې وکړلو کرم زما په زړه

چې دې سترګو ته رپ ورکړو دلربايه
نېغ  دې غشي کړه راسم زما په زړه

چې پناه شې يوه لحظه زما له سترګو
طوفان جوړ شي د ماتم زما په زړه

کۀ شکي شولې زما په پاکه مينه
شي ګوزار دې نيپام بم زما په زړه
 
دا په څه دې تش ديدن په ما حرام کړو
ولې کاندې دا ستم زما په زړه

زه"يعقوب"چې د زړګي په رنځ رنځوريم
شه راتوي لکه شبنم زما په زړه

محمد يعقوب "شرافت"