Banner

خو ځه خېر دى (طنز)

28.01.2009 06:32

طنزيه غزل

اشنا لاړو بې وفا شو خو ځه خېر دى
ښه پوهېږم چې خطا شو خو ځه خېر دى

ما پرې شل زره روپۍ وې لگولې
بې پښتو شو د بل چا شو خو ځه خېر دى

د رقيب سره په غلا کې نيول شوى
د ټول کلي د خندا شو خو ځه خېر دى

د پوډرو کاروبار ته مې ډېر زړه و
يو وزير که مې اشنا شو خو ځه خېر دى

يو کانديد له مې ووټ ورکړو ښه سړى و
چې کامياب شو نو بلا شو خو ځه خېر دى

اوبامه به راته نوې کرښې کاږي
دا لا  بل جنجال پېدا شو خو ځه خېر دى

يو شاعر دى هيڅ په هيڅه حېران شوى
نه د دين نه د دنيا شو خو ځه خېر دى


ستاسو تبصره


لطفاً لاندې افغانستان په انګليسي تورو وليکئ.